من نحن
"فرصتي" منصة بتجمع فرص العمل المتاحة لذوي الهمم في مكان واحد، عشان توصل للتقديم بأسرع وأسهل طريقة، بدل ما تدوّر في جروبات ومواقع كتير. وفيها كمان كورسات وإرشادات للسيرة الذاتية، وأخبار ومقالات عن الحقوق، ومكان تعرض فيه مشكلتك.
المنصة بدأت من مجتمع على فيسبوك، ويديرها فريق صغير عنده خبرة إدارية وفي إدخال البيانات، وعارف احتياجات الباحثين عن عمل كويس.
إزاي نشتغل؟
بنجمع إعلانات التوظيف من مصادرها الأصلية، ونعرض بيانات كل وظيفة: مكانها، نوع الإعاقة المناسبة، المستندات المطلوبة، وطريقة التقديم. التقديم دايماً بيتم مباشرة مع الجهة صاحبة الإعلان.
تنبيه مهم
الوصول للمنصة باشتراك سنوي رمزي (30 جنيه)، وده مقابل الوصول للقائمة والخدمات فقط. "فرصتي" مش وسيط توظيف، ومش بتاخد أي رسوم مقابل التوظيف نفسه، ومش بنضمن الحصول على وظيفة. لو أي جهة طلبت منك فلوس مقابل التوظيف، ابلغنا فوراً ومتدفعش.
تواصل معنا
لإضافة إعلان توظيف أو الإبلاغ عن مشكلة، تواصل معنا من خلال قسم "اعرض مشكلتك" بعد الدخول، أو وسائل التواصل المكتوبة في شاشة الدخول.